ਲਾਈਵ ਮੈਚ ਦੌਰਾਨ ਧੋਨੀ ਨੇ ਸਪਿਨਰਾਂ ਦੀ ਕੀਤੀ ਖਿਚਾਈ, ਕਿਹਾ...!
09/21/2017 8:49:22 AM
ਨਵੀਂ ਦਿੱਲੀ— ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੂੰ ਉਨ੍ਹਾਂ ਦੇ ਠੰਡੇ ਸੁਭਾਅ ਦੀ ਵਜ੍ਹਾ ਨਾਲ ਕੈਪਟਨ ਕੂਲ ਵੀ ਕਿਹਾ ਜਾਂਦਾ ਹੈ। ਇਹ ਅਕਸਰ ਹੀ ਮੈਦਾਨ ਉੱਤੇ ਸਭ ਤੋਂ ਸ਼ਾਂਤ ਰਹਿਣ ਵਾਲੇ ਖਿਡਾਰੀ ਹਨ। ਵੈਸੇ ਧੋਨੀ ਆਪਣੇ ਸਾਥੀ ਖਿਡਾਰੀਆਂ ਨੂੰ ਵਾਰ-ਵਾਰ ਨਹੀਂ ਟੋਕਦੇ ਹਨ, ਪਰ ਵਿਕਟ ਪਿੱਛੇ ਖੜ੍ਹੇ ਹੋ ਕੇ ਆਪਣੇ ਸਾਥੀ ਖਿਡਾਰੀਆਂ ਨੂੰ ਸਮੇਂ-ਸਮੇਂ 'ਤੇ ਸਲਾਹ ਦਿੰਦੇ ਰਹਿੰਦੇ ਹਨ, ਆਸਟਰੇਲੀਆ ਖਿਲਾਫ ਪਹਿਲੇ ਵਨਡੇ ਵਿਚ ਇਕ ਰਿਕਾਰਡਿੰਗ ਸਾਹਮਣੇ ਆਈ ਹੈ, ਜਿਸ ਵਿਚ ਉਹ ਗੇਂਦਬਾਜ਼ੀ ਕਰਨ ਦੇ ਟਿਪਸ ਦੇ ਰਹੇ ਹਨ।
ਆਸਟਰੇਲੀਆ ਖਿਲਾਫ ਹੋ ਰਹੀ 5 ਮੈਚਾਂ ਦੀ ਸੀਰੀਜ਼ ਦੇ ਪਹਿਲੇ ਮੈਚ ਵਿਚ ਵੀ ਧੋਨੀ ਦੀ ਵਿਕਟ ਦੇ ਪਿੱਛੇ ਦੀਆਂ ਆਵਾਜ਼ਾਂ ਨੂੰ ਰਿਕਾਰਡ ਕੀਤਾ ਗਿਆ ਹੈ, ਜਿਸ 'ਚ ਧੋਨੀ ਯੁਵਾ ਸਪਿਨ ਗੇਂਦਬਾਜ਼ਾਂ ਯੁਜਵੇਂਦਰ ਚਹਿਲ ਅਤੇ ਕੁਲਦੀਪ ਯਾਦਵ ਨੂੰ ਗੇਂਦਬਾਜੀ ਦੇ ਬਾਰੇ ਵਿਚ ਟਿਪਸ ਦੇ ਰਹੇ ਹਨ। ਜੋ ਇਨ੍ਹਾਂ ਦੋਨਾਂ ਗੇਂਦਬਾਜ਼ਾਂ ਲਈ ਖਾਸ ਸਾਬਤ ਹੋਏ। ਇੱਕ ਮੌਕੇ ਉੱਤੇ ਉਨ੍ਹਾਂ ਨੇ ਚਹਿਲ ਨੂੰ ਕਿਹਾ, ''ਤੂੰ ਵੀ ਨਹੀਂ ਸੁਣਦਾ ਕੀ, ਇਸ ਤਰ੍ਹਾਂ ਸੁੱਟੋ। ਸਟੰਪ ਉੱਤੇ ਲੱਗੇ ਮਾਈਕ ਉੱਤੇ ਧੋਨੀ ਨੂੰ ਲਗਾਤਾਰ ਸਪਿਨ ਗੇਂਦਬਾਜ਼ਾਂ ਨੂੰ ਸਲਾਹ ਦਿੰਦੇ ਸੁਣਿਆ ਗਿਆ। ਧੋਨੀ ਨੂੰ ਸਟੰਪ ਉੱਤੇ ਲੱਗੇ ਮਾਈਕ ਵਿਚ ਲਗਾਤਾਰ ਗੇਂਦਾਂ ਦੀ ਲੈਂਥ ਕਿਵੇਂ ਰੱਖਣੀ ਹੈ ਅਤੇ ਕਿਸ ਤਰ੍ਹਾਂ ਦੀ ਗੇਂਦ ਸੁੱਟਣੀ ਹੈ, ਇਸ ਬਾਰੇ ਵਿਚ ਸਲਾਹ ਦਿੰਦੇ ਸੁਣਿਆ ਗਿਆ।
ਡੇਵਿਡ ਵਾਰਨਰ ਅਤੇ ਮਾਰਕਸ ਸਟੋਇੰਸ ਨੂੰ ਆਊਟ ਕਰਨ ਵਿਚ ਕੁਲਦੀਪ ਯਾਦਵ ਨੂੰ ਦਿੱਤੀ ਗਈ ਉਨ੍ਹਾਂ ਦੀ ਸਲਾਹ ਕੰਮ ਆਈ। ਇਸਦੇ ਇਲਾਵਾ ਗਲੇਨ ਮੈਕਸਵੇਲ, ਮੈਥਿਊ ਵੇਡ ਅਤੇ ਪੈਟ ਕਮਿੰਸ ਨੂੰ ਆਊਟ ਕਰਨ ਲਈ ਉਨ੍ਹਾਂ ਨੇ ਚਹਿਲ ਨੂੰ ਵੀ ਸਲਾਹ ਦਿੱਤੀ।
