ਸੰਨਿਆਸ ਦੇ ਬਾਅਦ ਦੁਨੀਆ ਦੇ ਸਭ ਤੋਂ ਤੇਜ਼ ਦੌੜਾਕ ਨੇ ਪੀਤੀ ਇੰਨੇ ਲੱਖ ਦੀ ਸ਼ਰਾਬ!

ਨਵੀਂ ਦਿੱਲੀ— ਦੁਨੀਆ ਦੇ ਸਭ ਤੋਂ ਤੇਜ਼ ਦੌੜਾਕ ਮੰਨੇ ਜਾਣ ਵਾਲੇ ਉਸੇਨ ਬੋਲਟ ਹੁਣ ਰੇਸਿੰਗ ਟ੍ਰੈਕ ਨੂੰ ਅਲਵਿਦਾ ਕਹਿ ਚੁੱਕੇ ਹਨ। ਰਿਟਾਇਰਮੈਂਟ ਦੇ ਬਾਅਦ ਬੋਲਟ ਨੇ ਲੰਡਨ ਦੇ ਇਕ ਬਾਰ ਵਿਚ ਖੂਬ ਸ਼ਰਾਬ ਪੀਤੀ। ਇੱਕ ਖਬਰ ਮੁਤਾਬਕ, ਬੋਲਟ ਨੇ ਆਪਣੇ ਦੋਸਤਾਂ ਨਾਲ ਮਿਲਕੇ ਉਸ ਰਾਤ ਕਰੀਬ 6 ਲੱਖ ਰੁਪਏ (£7,000) ਦੀ ਸ਼ਰਾਬ ਪੀਤੀ। ਸੋਸ਼ਲ ਮੀਡਿਆ ਉੱਤੇ ਬਾਰ ਦੇ ਬਿਲ ਦੀ ਤਸਵੀਰ ਵਾਇਰਲ ਹੋ ਰਹੀ ਹੈ। ਆਪਣੀ ਆਖਰੀ ਰੇਸ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਨਾ ਕਰਨ ਵਾਲੇ ਬੋਲਟ ਨੇ ਦੋਸਤਾਂ ਨਾਲ ਕਈ ਤਰ੍ਹਾਂ ਦੀ ਸ਼ਰਾਬ ਪੀਤੀ। ਜਿਨ੍ਹਾਂ ਵਿਚ dom Perignon Champagne ਦੀਆਂ 5 ਬੋਤਲਾਂ, Magnums ਦੀਆਂ ਦੋ ਬੋਤਲਾਂ, ਵੋਡਕਾ ਅਤੇ ਕਈ ਹੋਰ ਤਰ੍ਹਾਂ ਦੀ ਸ਼ਰਾਬ ਵੀ ਸੀ।

ਦੱਸ ਦਈਏ ਕਿ ਬੋਲਟ ਵਰਲਡ ਐਥਲੈਟਿਕਸ ਚੈਂਪੀਅਨਸ਼ਿਪ ਦੀ 4X100 ਮੀਟਰ ਰੀਲੇ ਰੇਸ ਪੂਰੀ ਨਹੀਂ ਕਰ ਸਕੇ, ਕਿਉਂਕਿ ਉਹ ਜ਼ਖਮੀ ਹੋ ਕੇ ਰੇਸ ਤੋਂ ਬਾਹਰ ਹੋ ਗਏ। ਇਸ ਤੋਂ ਪਹਿਲਾਂ ਐਥਲੈਟਿਕਸ ਚੈਂਪੀਅਨਸ਼ਿਪ ਵਿਚ ਐਤਵਾਰ ਨੂੰ ਬੋਲਟ ਅਸਫ਼ਲ ਰਹੇ ਸਨ। ਕਰੀਅਰ ਦੀ ਉਸ ਆਖਰੀ 100 ਮੀਟਰ ਫਰਾਟਾ ਰੇਸ ਵਿਚ ਉਨ੍ਹਾਂ ਨੂੰ ਤੀਸਰੇ ਸਥਾਨ ਉੱਤੇ ਰਹਿਣਾ ਪਿਆ ਸੀ। ਅਮਰੀਕੀ ਐਥਲੀਟ ਜਸਟਿਨ ਗੈਟਲਿਨ ਉਹ ਬਾਜ਼ੀ ਜਿੱਤ ਗਏ ਸਨ ਅਤੇ ਗੋਲਡ ਮੈਡਲ ਦੇ ਹੱਕਦਾਰ ਬਣੇ ਸਨ। ਉਸਦੇ ਬਾਅਦ ਬੋਲਟ ਦੇ ਫੈਂਸ ਉਨ੍ਹਾਂ ਦੇ ਕਰੀਅਰ ਦੀ ਆਖਰੀ ਚਾਰ ਗੁਣਾ ਸੌ ਮੀਟਰ ਰੇਸ ਵਿਚ ਸੋਨੇ ਦਾ ਤਮਗੇ ਦੀ ਆਸ ਲਗਾਈ ਬੈਠੇ ਸਨ।