ਇਨ੍ਹਾਂ ਕ੍ਰਿਕਟਰਾਂ ਦਾ ''ਪਹਿਲਾ ਪਿਆਰ'' ਰਿਹਾ ਅਧੂਰਾ, ਕਿਸੇ ਦੀ ਹੋ ਗਈ ਮੌਤ ਤੇ ਕਿਸੇ ਨੂੰ ਮਿਲਿਆ ਧੋਖਾ
12/12/2017 5:05:16 PM
ਸਪੋਰਟਸ ਡੈਸਕ (ਜਲੰਧਰ)— ਸਟਾਰ ਕ੍ਰਿਕਟਰਸ ਅਤੇ ਬਾਲੀਵੁੱਡ ਅਭਿਨੇਤਰੀਆਂ ਦਰਮਿਆਨ ਰੋਮਾਂਸ ਦੀਆਂ ਖਬਰਾਂ ਅਖਬਾਰ ਅਤੇ ਮੈਗਜ਼ੀਨ ਦੇ ਪੰਨਿਆਂ ਦੀਆਂ ਸੁਰਖੀਆਂ ਰਹੀਆਂ ਹਨ। ਕੁਝ ਲਵ ਸਟੋਰੀਆਂ ਪੰਨਿਆਂ ਵਿਚ ਹੀ ਸਿਮਟ ਗਈਆਂ ਤਾਂ ਕੁੱਝ ਵਿਆਹ ਦੇ ਸੱਤ ਫੇਰਿਆਂ ਤੱਕ ਜਾ ਪਹੁੰਚੀਆਂ। ਅੱਜ ਅਸੀਂ ਤੁਹਾਨੂੰ ਅਜਿਹੇ ਖਿਡਾਰੀਆਂ ਬਾਰੇ ਦੱਸ ਰਹੇ ਹਾਂ ਜਿਨ੍ਹਾਂ ਨੂੰ ਆਪਣਾ ਪਿਆਰ ਮਿਲਿਆ ਹਾਲਾਂਕਿ ਕੁਝ ਦੀਆਂ ਰਾਹਾਂ ਹਮੇਸ਼ਾ-ਹਮੇਸ਼ਾ ਲਈ ਅਲੱਗ ਹੋ ਗਈਆਂ।
ਮਹਿੰਦਰ ਸਿੰਘ ਧੋਨੀ ਅਤੇ ਪ੍ਰਿਅੰਕਾ
ਮਾਹੀ ਅਤੇ ਪ੍ਰਿਅੰਕਾ ਦੀ ਲਵ ਸਟੋਰੀ ਸਭ ਤੋਂ ਜ਼ਿਆਦਾ ਟਰੈਜਿਕ ਹੈ। ਕਰੀਅਰ ਦੀ ਸ਼ੁਰੂਆਤ ਵਿਚ ਧੋਨੀ ਨੇ ਪ੍ਰਿਅੰਕਾ ਨਾਮ ਦੀ ਇਕ ਕੁੜੀ ਨੂੰ ਆਪਣਾ ਦਿਲ ਦੇ ਦਿੱਤਾ ਸੀ। ਇਸ ਗੱਲ ਦਾ ਖੁਲਾਸਾ ਉਨ੍ਹਾਂ ਦੀ ਬਾਓਪਿਕ 'ਮਾਹੀ- ਦਿ ਅਨਟੋਲਡ ਸਟੋਰੀ' ਵਿਚ ਹੋਇਆ। ਦੱਸਿਆ ਜਾਂਦਾ ਹੈ ਕਿ ਇਕ ਕਾਰ ਐਕਸੀਡੈਂਟ ਵਿਚ ਪ੍ਰਿਅੰਕਾ ਦੀ ਮੌਤ ਹੋ ਗਈ ਜਿਸਦੇ ਬਾਅਦ ਮਾਹੀ ਕਾਫ਼ੀ ਟੁੱਟ ਚੁੱਕੇ ਸਨ। ਪ੍ਰਿਅੰਕਾ ਦੀ ਮੌਤ ਨਾਲ ਹੀ ਉਨ੍ਹਾਂ ਦੀ ਲਵ ਸਟੋਰੀ ਵੀ ਖਤਮ ਹੋ ਗਈ। ਹਾਲਾਂਕਿ ਪ੍ਰਿਅੰਕਾ ਬਾਲੀਵੁੱਡ ਨਾਲ ਨਹੀਂ ਜੁੜੀਂ ਸੀ। ਉਹ ਘਰੇਲੂ ਘਰ ਦੀ ਕੁੜੀ ਸੀ। ਬਾਅਦ ਵਿਚ ਉਨ੍ਹਾਂ ਦੀ ਜਿੰਦਗੀ ਵਿਚ ਸਾਕਸ਼ੀ ਆਈ ਅਤੇ ਸਾਲ 2010 ਵਿਚ ਦੋਨਾਂ ਨੇ ਵਿਆਹ ਕਰਵਾ ਲਿਆ।
ਕਪਿਲ ਦੇਵ ਅਤੇ ਸਾਰਿਕਾ
ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਕਪਿਲ ਦੇਵ ਅਤੇ ਐਕਟਰੈਸ ਸਾਰਿਕਾ ਵਿਚਾਲੇ ਰੋਮਾਂਸ ਦੀਆਂ ਖਬਰਾਂ ਵੀ ਸੁਰਖੀਆਂ ਵਿਚ ਬਣੀਆਂ ਰਹਿੰਦੀਆਂ ਸਨ। ਚਰਚਾ ਸੀ ਕਿ ਦੋਨਾਂ ਦੇ ਪਰਿਵਾਰ ਵਾਲੇ ਇਸ ਰਿਸ਼ਤੇ ਤੋਂ ਖੁਸ਼ ਹਨ ਪਰ ਇਹ ਜੋੜੀ ਸਿਰੇ ਨਹੀਂ ਚੜ੍ਹ ਸਕੀ। ਸਾਰਿਕਾ ਨੇ ਬਾਅਦ ਵਿਚ ਕਮਲ ਹਸਨ ਨਾਲ ਵਿਆਹ ਕਰਵਾ ਲਿਆ।
ਇਮਰਾਨ ਖਾਨ ਅਤੇ ਜੀਨਤ ਅਮਾਨ
ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਇਮਰਾਨ ਖਾਨ ਆਪਣੀ ਜ਼ਿੰਦਗੀ ਵਿਚ ਕਈ ਔਰਤਾਂ ਨਾਲ ਇਸ਼ਕ ਫਰਮਾ ਚੁੱਕੇ ਹਨ। 80 ਦੇ ਦਹਾਕੇ ਵਿਚ ਬਾਲੀਵੁੱਡ ਦੀ ਮਸ਼ਹੂਰ ਐਕਟਰੈਸ ਜੀਨਤ ਅਮਾਨ ਨਾਲ ਇਮਰਾਨ ਖਾਨ ਦੇ ਰੋਮਾਂਸ ਦੀ ਚਰਚਾ ਜ਼ੋਰਾਂ ਉੱਤੇ ਸੀ ਪਰ ਇਹ ਪਿਆਰ ਵਿਆਹ ਦੇ ਮੁਕਾਮ ਤੱਕ ਨਹੀਂ ਪਹੁੰਚ ਸਕਿਆ ਅਤੇ ਦੋਨੋਂ ਅਲੱਗ ਹੋ ਗਏ।
ਰਵੀ ਸ਼ਾਸਤਰੀ ਅਤੇ ਅਮ੍ਰਿਤਾ ਸਿੰਘ
ਰਵੀ ਸ਼ਾਸਤਰੀ ਦੀ ਪਰਸਨੈਲਿਟੀ ਉੱਤੇ ਹਰ ਕੋਈ ਮੁਟਿਆਰ ਫਿਦਾ ਸੀ। ਬਾਲੀਵੁੱਡ ਦੀ ਮੰਨੀ-ਪ੍ਰਮੰਨੀ ਐਕਟਰੈਸ ਅਮ੍ਰਿਤਾ ਸਿੰਘ ਦਾ ਦਿਲ ਵੀ ਰਵੀ ਸ਼ਾਸਤਰੀ ਉੱਤੇ ਆ ਗਿਆ ਦੋਨਾਂ ਦੀ ਪ੍ਰੇਮ ਕਹਾਣੀ ਹੌਲੀ-ਹੌਲੀ ਅੱਗੇ ਵੱਧਦੀ ਰਹੀ। ਇਸ ਦੌਰਾਨ ਸ਼ਾਰਜਹਾਂ ਵਿਚ ਹੋਏ ਇਕ ਮੈਚ ਵਿੱਚ ਅਮ੍ਰਿਤਾ ਸਿੰਘ ਦੀਆਂ ਤਸਵੀਰਾਂ ਨੇ ਕਾਫ਼ੀ ਕੁਝ ਬਿਆਨ ਕਰ ਦਿੱਤਾ। ਮੈਚ ਵਿਚ ਜਦੋਂ ਵੀ ਸ਼ਾਸਤਰੀ ਗੇਂਦ ਨੂੰ ਸੀਮਾ ਰੇਖਾ ਦੇ ਪਾਰ ਪਹੁੰਚਾਉਂਦੇ ਦਰਸ਼ਕ ਲਾਈਨ ਵਿਚ ਬੈਠੀ ਗਲੈਮਰਸ ਅਮ੍ਰਿਤਾ ਖੂਬ ਚੀਅਰ ਕਰਦੀ। ਅਜਿਹਾ ਮੰਨਿਆ ਜਾ ਰਿਹਾ ਸੀ ਕਿ ਛੇਤੀ ਹੀ ਦੋਨੋਂ ਵਿਆਹ ਕਰਵਾ ਲੈਣਗੇ। ਚਰਚਾ ਸੀ ਕਿ ਰਵੀ ਸ਼ਾਸਤਰੀ ਅਤੇ ਅਮ੍ਰਿਤਾ ਸਿੰਘ ਨੇ ਕੁੜਮਾਈ ਕਰ ਲਈ ਹੈ ਪਰ ਇਨ੍ਹਾਂ ਦਾ ਪਿਆਰ ਸਿਰੇ ਚੜ੍ਹਨ ਤੋਂ ਪਹਿਲਾਂ ਹੀ ਖਤਮ ਹੋ ਗਿਆ।
