ਭਗਵੰਤ ਮਾਨ ਦੀ ਟੱਕਰ ''ਤੇ ਖੜ੍ਹੇ ਹੋਏ ਇਸ ਮਸ਼ਹੂਰ ਪੰਜਾਬੀ ਸਿੰਗਰ ਨੇ ''ਆਪ'' ਨੂੰ ਦਿਖਾਇਆ ਸ਼ੀਸ਼ਾ (ਤਸਵੀਰਾਂ)
08/29/2015 8:40:06 PM
ਅੰਮ੍ਰਿਤਸਰ : ਪੰਜਾਬ ਦੀ ਸਿਆਸਤ ''ਚ ਹੁਣ ਆਮ ਆਦਮੀ ਪਾਰਟੀ ਦੇ ਸੰਸਦ ਮੈਂਬਰ ਅਤੇ ਕਾਮੇਡੀ ਕਲਾਕਾਰ ਭਗਵੰਤ ਮਾਨ ਨੂੰ ਪੰਜਾਬੀ ਗਾਇਕ ਤੇ ਸੰਗੀਤਕਾਰ ਰੱਬੀ ਸ਼ੇਰਗਿੱਲ ਚੁਣੌਤੀ ਦਿੰਦੇ ਨਜ਼ਰ ਆ ਰਹੇ ਹਨ। ਆਮ ਆਦਮੀ ਪਾਰਟੀ ਦੇ ਬਾਗੀ ਧੜੇ ਦੀ ਸਿਆਸੀ ਕਾਨਫਰੰਸ ''ਚ ਹਿੱਸਾ ਲੈਣ ਬਾਬਾ ਬਕਾਲਾ ਪੁੱਜੇ ਰੱਬੀ ਸ਼ੇਰਗਿੱਲ ਨੇ ''ਆਪ'' ''ਤੇ ਚੰਗੇ ਰਗੜੇ ਲਗਾਏ।
ਰੱਬੀ ਨੇ ਕਿਹਾ ਕਿ ''ਆਮ ਆਦਮੀ ਪਾਰਟੀ'' ਆਪਣੇ ਰਸਤੇ ਤੋਂ ਭਟਕ ਚੁੱਕੀ ਹੈ ਅਤੇ ਇਸ ਲਈ ਲੋਕ ਇਸ ਤੋਂ ਦੂਰ ਜਾ ਰਹੇ ਹਨ। ਰੱਬੀ ਨੇ ਕੇਜਰੀਵਾਲ ਬਾਰੇ ਬੋਲਦੇ ਹੋਏ ਕਿਹਾ ਕਿ ਕੇਜਰੀਵਾਲ ਚੋਣਾਂ ਤੋਂ ਪਹਿਲਾਂ ਲੋਕਪਾਲ ਬਿੱਲ ਦੀ ਗੱਲ ਕਰਦੇਸਨ ਪਰ ਵਿਧਾਨ ਸਭਾ ਚੋਣਾਂ ''ਚ ਮਿਲੀ ਜਿੱਤ ਤੋਂ ਬਾਅਦ ਵੀ ਕੇਜਰੀਵਾਲ ਨੇ ਲੋਕਪਾਲ ਬਿੱਲ ਨਹੀਂ ਬਣਾਇਆ। ਉਨ੍ਹਾਂ ਕਿਹਾ ਕਿ ਕੇਜਰੀਵਾਲ ਨੂੰ ਬਾਕੀ ਸਿਆਸਤਦਾਨਾਂ ਵਾਂਗ ਸਿਆਸਤ ਨਹੀਂ ਕਰਨੀ ਚਾਹੀਦੀ।
''ਆਪ'' ਦੇ ਬਾਗੀ ਧੜੇ ਦੀ ਕਾਨਫਰੰਸ ''ਚ ਸ਼ਾਮਿਲ ਹੋਏ ਰੱਬੀ ਨੇ ਅੱਗੇ ਬੋਲਦੇ ਕਿਹਾ ਕਿ ਉਹ ਇਸ ਧੜੇ ''ਚ ਸ਼ਾਮਿਲ ਹੋ ਕੇ ਪੰਜਾਬ ਦੀ ਸਿਆਸਤ ਦਾ ਰੁਖ ਦੇਖਣਾ ਚਾਹੁੰਦੇ ਹਨ, ਇਸ ਲਈ ਹੀ ਉਹ ਦਿੱਲੀ ਤੋਂ ਵਿਸ਼ੇਸ਼ ਤੌਰ ''ਤੇ ਇਸ ਕਾਨਫਰੰਸ ''ਚ ਸ਼ਾਮਿਲ ਹੋਣ ਆਏ ਹਨ।
'ਜਗ ਬਾਣੀ' ਦੇ ਪਾਠਕਾਂ ਲਈ ਇਕ ਜ਼ਰੂਰੀ ਸੂਚਨਾ ਹੈ। 'ਜਗ ਬਾਣੀ' ਵਲੋਂ ਐਪ ਨੂੰ ਅਪਡੇਟ ਕਰ ਦਿੱਤਾ ਗਿਆ ਹੈ। ਤੁਸੀਂ ਵੀ ਆਪਣੇ ਫੋਨ ਦੇ ਪਲੇਅ ਸਟੋਰ ਵਿਚ ਜਾ ਕੇ 'ਜਗ ਬਾਣੀ' ਐਪ ਨੂੰ ਅਪਡੇਟ ਕਰਕੇ ਦੁਨੀਆ ਭਰ ਦੀਆਂ ਖਬਰਾਂ ਦਾ ਅਨੰਦ ਮਾਣ ਸਕਦੇ ਹੋ।