ਪਾਰਕ 'ਚ ਬੈਠੇ ਨੌਜਵਾਨ ਨੂੰ ਗੋਲੀਆਂ ਨਾਲ ਭੁੰਨਿਆ, 3 ਸਾਲ ਪਹਿਲਾਂ ਕੀਤੀ ਸੀ ਲਵ ਮੈਰਿਜ

ਕੈਥਲ— ਸ਼ਹਿਰ 'ਚ ਆਨਰ ਕਿਲਿੰਗ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਜਵਾਹਰ ਪਾਰਕ 'ਚ ਬੈਠੇ ਨੌਜਵਾਨ ਦੀ ਦਿਨਦਿਹਾੜੇ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਪਾਰਕ ਦੇ ਚੌਕੀਦਾਰ ਨੇ ਵਿਚ-ਬਚਾਅ ਦੀ ਕੋਸ਼ਿਸ਼ ਕੀਤੀ ਪਰ ਹਮਲਾਵਰਾਂ ਨੇ ਉਸ ਨਾਲ ਵੀ ਕੁੱਟਮਾਰ ਕੀਤੀ। ਵਾਰਦਾਤ ਦੇ ਸਮੇਂ ਨੌਜਵਾਨ ਦੀ ਪਤਨੀ ਅਤੇ ਉਸ ਦਾ ਬੱਚਾ ਵੀ ਨਾਲ ਸਨ। ਸੂਚਨਾ ਮਿਲਦੇ ਹੀ ਸ਼ਹਿਰ ਥਾਣਾ ਪੁਲਸ ਅਤੇ ਸੀ.ਆਈ.ਏ. ਦੀ ਟੀਮ ਵਾਰਦਾਤ ਵਾਲੀ ਜਗ੍ਹਾ ਪੁੱਜੀ। ਹਮਲਾ ਕਰਨ ਵਾਲਿਆਂ ਦਾ ਇਕ ਵੀਡੀਓ ਵੀ ਵਾਇਰਲ ਹੋਇਆ ਹੈ, ਜਿਸ 'ਚ ਦੋਸ਼ੀ ਦੌੜ ਰਹੇ ਹਨ ਅਤੇ ਪੁਲਸ ਕਰਮਚਾਰੀ ਪਿੱਛਾ ਕਰ ਰਹੇ ਹਨ ਪਰ ਫਿਰ ਵੀ ਦੋਸ਼ੀ ਦੌੜਨ 'ਚ ਕਾਮਯਾਬ ਹੋ ਗਏ।ਮ੍ਰਿਤਕ ਬਲਿੰਦਰ ਦੇ ਭਰਾ ਸਲਿੰਦਰ ਨੇ ਦੱਸਿਆ ਕਿ ਜੀਂਦ ਦੇ ਡੰਡੋਲੀ ਪਿੰਡ ਦੀ ਪੂਜਾ ਅਤੇ ਕੈਥਲ ਦੇ ਪਿੰਡ ਕੋਇਲ ਵਾਸੀ ਬਲਿੰਦਰ ਦੇ ਪ੍ਰੇਮ ਸੰਬੰਧ ਸਨ। ਉਨ੍ਹਾਂ ਨੇ 3 ਸਾਲ ਪਹਿਲਾਂ ਵਿਆਹ ਕੀਤਾ ਸੀ ਪਰ ਪੂਜਾ ਦੇ ਪਰਿਵਾਰ ਵਾਲੇ ਇਸ ਵਿਆਹ ਤੋਂ ਨਾਰਾਜ਼ ਸਨ। ਦੁਪਹਿਰ ਕਰੀਬ 2 ਵਜੇ ਦੋਵੇਂ ਪਤੀ-ਪਤਨੀ ਇੱਥੋਂ ਦੇ ਜਵਾਹਰ ਪਾਰਕ 'ਚ ਬੈਠੇ ਹੋਏ ਸਨ, ਉਦੋਂ 2 ਨੌਜਵਾਨਾਂ ਨੇ ਉਨ੍ਹਾਂ 'ਤੇ ਹਮਲਾ ਕਰ ਦਿੱਤਾ। ਹਮਲਾਵਰਾਂ ਨੇ ਬਲਿੰਦਰ ਨੂੰ 2 ਗੋਲੀਆਂ ਮਾਰੀਆਂ, ਜਿਸ ਨਾਲ ਉਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।ਬਲਿੰਦਰ ਪਿੰਡ ਕੋਇਲ 'ਚ ਹੀ ਟਿਊਬਵੈੱਲ ਆਪਰੇਟਰ ਦੇ ਅਹੁਦੇ 'ਤੇ ਤਾਇਨਾਤ ਸੀ। ਸਲਿੰਦਰ ਨੇ ਦੋਸ਼ ਲਾਇਆ ਕਿ ਬਲਿੰਦਰ ਦਾ ਕਤਲ ਪੂਜਾ ਅਤੇ ਉਸ ਦੇ ਪਰਿਵਾਰ ਵਾਲਿਆਂ ਨੇ ਕਰਵਾਇਆ ਹੈ। ਸ਼ਹਿਰ ਥਾਣਾ ਐੱਸ.ਐੱਚ. ਓ. ਰਮੇਸ਼ ਚੰਦ ਨੇ ਦੱਸਿ ਆਕਿ ਸਲਿੰਦਰ ਦੀ ਸ਼ਿਕਾਇਤ 'ਤੇ ਪੂਜਾ, ਪੂਜਾ ਦੇ ਭਰਾ ਦਿਲਬਾਗ ਸਿੰਘ, ਉਸ ਦੀ ਮਾਂ ਸਮੇਤ 5 ਲੋਕਾਂ ਦੇ ਖਿਲਾਫ ਕਤਲ ਦਾ ਕੇਸ ਦਰਜ ਕੀਤਾ ਹੈ।