ਐਕਸਾਈਜ਼ ਅਫਸਰ ਨੇ ਕੀਤਾ ਬਲਾਤਕਾਰ, ਪੁਲਸ ਨੇ ਨਹੀਂ ਸੁਣਿਆ ਤਾਂ ਔਰਤ ਨੇ ਖੁਦ ਨੂੰ ਲਗਾਈ ਅੱਗ
10/17/2017 5:16:56 PM
ਪੰਚਕੂਲਾ— ਬਲਾਤਕਾਰ ਦੋਸ਼ੀ ਦੀ ਵਾਰ-ਵਾਰ ਸ਼ਿਕਾਇਤ ਦੇ ਬਾਅਦ ਵੀ ਐਕਸਾਈਜ਼ ਡਿਪਾਰਟਮੈਂਟ ਦਾ ਦੋਸ਼ੀ ਅਫਸਰ ਨਹੀਂ ਫੜਿਆ ਗਿਆ ਤਾਂ ਔਰਤ ਨੇ ਸੋਮਵਾਰ ਨੂੰ ਡੀ.ਜੀ.ਪੀ ਆਫਿਸ 'ਚ ਖੁਦ 'ਤੇ ਪੈਟਰੋਲ ਛਿੜਕ ਕੇ ਅੱਗ ਲਗਾ ਲਈ। ਉਥੇ ਮੌਜੂਦ ਪੁਲਸ ਵਾਲਿਆਂ ਨੇ ਅੱਗ ਬੁਝਾ ਦਿੱਤੀ ਅਤੇ ਔਰਤ ਨੂੰ ਹਸਪਤਾਲ 'ਚ ਭਰਤੀ ਕਰਵਾਇਆ। ਔਰਤ ਦੀ ਹਾਲਤ ਗੰਭੀਰ ਹੈ। ਦਿੱਲੀ ਦੀ ਲੜਕੀ ਨਾਲ 22 ਸਿਤੰਬਰ ਨੂੰ ਬਲਾਤਕਾਰ ਹੋਇਆ। ਬਲਾਤਕਾਰ ਦੋਸ਼ੀ ਐਕਸਾਈਜ਼ ਡਿਪਾਰਟਮੈਂਟ ਦਾ ਈ.ਟੀ.ਓ ਅਨਿਲ ਦਹੀਆ ਹੈ ਪਰ ਹੁਣ ਤੱਕ ਨਾ ਤਾਂ ਅਨਿਲ ਦਹੀਆ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਨਾ ਹੀ ਔਰਤ ਨੂੰ ਸੁਰੱਖਿਆ ਦਿੱਤੀ ਗਈ ਹੈ।
ਬਲਾਤਕਾਰ ਪੀੜਿਤਾ ਨੇ ਦੱਸਿਆ ਕਿ ਮੈਂ ਕੀ ਕਰਾਂ, ਬਲਾਤਕਾਰ ਦੇ ਬਾਅਦ ਮੇਰੀ ਬਦਨਾਮੀ ਕੀਤੀ ਗਈ। ਲੋਕਾਂ ਨੂੰ ਮੇਰੇ ਪਿੱਛੇ ਲਗਾਇਆ ਜਾ ਰਿਹਾ ਹੈ। ਕਿਸੀ ਦੋਸਤ ਨੂੰ ਕੁਝ ਬੋਲਿਆ ਜਾਂਦਾ ਹੈ ਤਾਂ ਕਿਸੇ ਨੂੰ ਕੁਝ। ਪਰਿਵਾਰ, ਦੋਸਤਾਂ ਅਤੇ ਰਿਸ਼ਤੇਦਾਰਾਂ 'ਤੇ ਦਬਾਅ ਬਣਾਇਆ ਜਾ ਰਿਹਾ ਹੈ। ਨੇਤਾਵਾਂ ਅਤੇ ਅਫਸਰਾਂ ਦਾ ਨਾਮ ਲੈ ਕੇ ਡਰਾਇਆ ਜਾ ਰਿਹਾ ਹੈ। ਡੀ.ਜੀ.ਪੀ ਤੋਂ ਮੈਂ 13 ਦਿਨ ਪਹਿਲੇ ਮਿਲੀ ਸੀ, ਜਿਸ ਦੇ ਬਾਅਦ ਮੈਂ ਸਾਰੀ ਗੱਲ ਦੱਸੀ, ਜਿਸ 'ਤੇ ਡੀ.ਜੀ.ਪੀ ਸੰਧੂ ਨੇ ਬਹਾਦੁਰਗੜ੍ਹ ਏ.ਐਸ.ਪੀ ਹਿਮਾਂਸ਼ੂੰ ਦੀ ਡਿਊਟੀ ਲਗਾਈ। ਜਿਸ ਦੇ ਬਾਅਦ ਮੈਂ ਉਨ੍ਹਾਂ ਨਾਲ ਮਿਲੀ, ਜਿੱੱਥੇ ਮੈਨੂੰ ਡੀ.ਜੀ.ਪੀ ਕੋਲ ਭੇਜਿਆ ਗਿਆ। ਮੈਨੂੰ ਸਦਰ ਪੁਲਸ ਥਾਣੇ ਦੇ ਸਟਾਫ ਨੇ ਧਮਕਾਇਆ।
