ਪੁਲਸ ਨੂੰ ਮਿਲੀ ਵੱਡੀ ਸਫਲਤਾ, ਕਿਡਨੀ ਕਾਂਡ ''ਚ ਫਰਾਰ ਜੋੜਾ ਗ੍ਰਿਫਤਾਰ

ਦੇਹਰਾਦੂਨ— ਦੇਹਰਾਦੂਨ ਪੁਲਸ ਨੇ ਪਿਛਲੇ ਦਿਨੋਂ ਗੰਗੋਤਰੀ ਚੈਰੀਟੇਬਲ ਹਸਪਤਾਲ ਦੇ ਨਾਮ ਕਿਡਨੀ ਦੀ ਖਰੀਦ ਵੇਚ ਦੇ ਧੰਧੇ 'ਚ ਫਰਾਰ ਚੱਲ ਰਹੇ ਇਨਾਮੀ ਡਾਕਟਰ ਜੋੜੇ ਨੂੰ ਗਾਜਿਆਬਾਦ ਤੋਂ ਗ੍ਰਿਫਤਾਰ ਕੀਤਾ ਹੈ। ਦੋਹੇਂ ਡਾਕਟਰ ਸੰਜੈ ਅਤੇ ਉਸ ਦੀ ਪਤਨੀ ਡਾਕਟਰ ਸੁਸ਼ਮਾ ਵਿਆਹ ਪ੍ਰੋਗਰਾਮ 'ਚ ਹਿੱਸਾ ਲੈਣ ਦੇ ਬਾਅਦ ਆਪਣੇ ਬੱਚਿਆਂ ਨੂੰ ਮਿਲਣ ਆਏ ਸੀ। 
ਬਿਹਾਰ ਦੇ ਇਸ ਜੋੜੇ ਨੇ ਨੇਪਾਲ ਤੋਂ ਐਮ.ਡੀ ਦੀ ਡਿਗਰੀ ਲਈ ਸੀ, ਉਹ ਇਸ ਮਾਮਲੇ 'ਚ ਸਰਗਨਾ ਡਾ.ਅਮਿਤ ਦਾ ਬੇਟਾ ਅਸ਼ਯ ਰਾਵਤ ਹੁਣ ਵੀ ਫਰਾਰ ਚੱਲ ਰਿਹਾ ਹੈ। ਜਿਸ ਨੂੰ ਲੈ ਕੇ ਦੇਹਰਾਦੂਨ ਪੁਲਸ ਜਗ੍ਹਾ-ਜਗ੍ਹਾ ਛਾਪੇਮਾਰੀ ਕਰ ਰਹੀ ਹੈ। ਐਸ.ਐਸ.ਪੀ ਨਿਵੇਦਿਤਾ ਕੁਕਰੇਤੀ ਦਾ ਕਹਿਣਾ ਹੈ ਕਿ ਪੁਲਸ ਦੀ ਟੀਮ ਬਹੁਤ ਦਿਨਾਂ ਤੋਂ ਇਨ੍ਹਾਂ ਦੀ ਤਲਾਸ਼ 'ਚ ਜੁੱਟੀ ਹੋਈ ਸੀ, ਜਿਸ ਦੇ ਬਾਅਦ ਇਨ੍ਹਾਂ ਨੂੰ ਗਾਜਿਆਬਾਦ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਜੋੜਾ ਮਰੀਜ਼ਾਂ ਨੂੰ ਬੇਹੋਸ਼ ਕਰਨ ਦਾ ਕੰਮ ਕਰਦਾ ਸੀ। ਦੇਹਰਾਦੂਨ ਅਤੇ ਹਰਿਦੁਆਰ ਪੁਲਸ ਨੇ ਬੀਤੀ 10 ਸਿਤੰਬਰ ਦੀ ਰਾਤ ਲਾਲ ਤੱਪੜ ਸਥਿਤ ਗੰਗੋਤਰੀ ਚੈਰੀਟੇਬਲ ਹਸਪਤਾਲ ਦੇ ਨਾਮ 'ਤੇ ਕਿਡਨੀ ਕੱਢਣ ਅਤੇ ਟਰਾਂਸਪਲਾਂਟ ਕਰਨ ਦੇ ਵੱਡੇ ਖੇਡ ਦਾ ਪਰਦਾਫਾਸ਼ ਕੀਤਾ ਸੀ।