ਮਹਿਬੂਬਾ ਨੇ ਰੇਲ ਮੰਤਰੀ ਨਾਲ ਕੀਤੀ ਮੁਲਾਕਾਤ, ਰੇਲਵੇ ਸਬੰਧਿਤ ਕਈ ਮੁੱਦਿਆਂ ''ਤੇ ਕੀਤੀ ਚਰਚਾ

ਨਵੀਂ ਦਿੱਲੀ— ਜੰਮੂ ਅਤੇ ਕਸ਼ਮੀਰ ਦੀ ਮੁੱਖ ਮੰਤਰੀ ਮਹਿਬੂਬਾ ਮੁਫਤੀ, ਜੋ ਰਾਸ਼ਟਰੀ ਰਾਜਧਾਨੀ 'ਚ ਮੌਜੂਦ ਹਨ, ਨੇ ਅੱਜ ਇੱਥੇ ਰੇਲ ਮੰਤਰੀ ਪੀਯੂਸ਼ ਗੋਇਲ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਨੇ ਕੇਂਦਰੀ ਮੰਤਰੀ ਦੇ ਸਮੇਤ ਰੇਲਵੇ ਨਾਲ ਸਬੰਧਿਤ ਸੂਬਿਆਂ ਦੇ ਕਈ ਮੁੱਦਿਆਂ 'ਤੇ ਚਰਚਾ ਕਰਦੇ ਹੋਏ ਉਨ੍ਹਾਂ ਨੂੰ ਤੱਤਕਾਲ ਹੱਲ ਕਰਨ ਦੀ ਮੰਗ ਕੀਤੀ। ਮੁੱਖ ਮੰੰਤਰੀ ਨੇ ਜੰਮੂ-ਬਾਰਾਮੂਲਾ ਰੇਲਵੇ ਲਾਈਨ ਦੇ ਕਟਰਾ-ਬਨਿਹਾਲ ਖੰਡ ਨੂੰ ਪੂਰੀ ਤਰ੍ਹਾਂ ਪੂਰੇ ਦੇਸ਼ ਦੇ ਨਾਲ ਇਕ ਲਿੰਕ ਦੇ ਮਾਧਿਅਮ ਨਾਲ ਜੋੜਨ 'ਤੇ ਜ਼ੋਰ ਦਿੱਤਾ।
ਉਨ੍ਹਾਂ ਨੇ ਕਸ਼ਮੀਰ ਦੇ ਕੁਪਵਾੜਾ, ਜੰਮੂ ਪ੍ਰਾਂਤ ਦੇ ਪੁੰਛ ਅਤੇ ਰਾਜੌਰੀ ਤੱਕ ਰੇਲ ਲਿੰਕ ਦਾ ਵਿਸਥਾਰ ਕਰਨ ਦੀ ਵੀ ਮੰਗ ਕੀਤੀ। ਕੇਂਦਰੀ ਮੰਤਰੀ ਨੇ ਜੰਮੂ-ਬਾਰਾਮੂਲਾ ਰੇਲਵੇ ਲਾਈਨ ਦੇ ਕਟਰਾ-ਬਨਿਆਲ ਖੰਡ ਦੀ ਸਮੀਖਿਆ ਅਤੇ ਸਮਾਪਤੀ ਦੀ ਤਾਰੀਕ ਨੂੰ ਪਿੱਛੇ ਲਿਆਉਣ ਲਈ ਰੇਲ ਮੰਤਰਾਲੇ ਨੂੰ ਮੌਕੇ 'ਤੇ ਨਿਰਦੇਸ਼ ਜਾਰੀ ਕੀਤੇ। 
ਕਸ਼ਮੀਰ ਪ੍ਰਾਂਤ 'ਚ ਕੁਪਵਾੜਾ, ਜੰਮੂ ਪ੍ਰਾਂਤ ਦੇ ਪੁੰਛ ਅਤੇ ਰਾਜੌਰੀ ਲਈ ਰੇਲ ਲਿੰਕ ਦੇ ਵਿਸਥਾਰ 'ਤੇ ਸਹਿਮਤੀ ਜਤਾਉਂਦੇ ਹੋਏ ਪੀਯੂਸ਼ ਗੋਇਲ ਨੇ ਮੁੱਖ ਮੰਤਰੀ ਨੂੰ ਦੱਸਿਆ ਕਿ ਇਸ ਸਬੰਧ 'ਚ ਸ਼ੁਰੂਆਤੀ ਸਰਵੇਖਣ ਪੂਰਾ ਹੋ ਚੁਕਿਆ ਹੈ ਅਤੇ ਪ੍ਰਾਜੈਕਟ ਦੀ ਵਿੱਤ ਪੋਸ਼ਣ ਲਈ ਜਾਂਚ ਕੀਤੀ ਜਾ ਰਹੀ ਹੈ। ਮੁੱਖ ਮੰਤਰੀ ਦੇ ਕੁਪਵਾੜਾ ਅਤੇ ਪੀਰ ਪਾਂਚਾਲ ਖੇਤਰਾਂ ਦੇ ਦੌਰੇ ਦੌਰਾਨ ਰੇਲ ਲਿੰਕ ਦੇ ਵਿਸਥਾਰ ਦੀ ਮੰਗ ਉੱਠੀ ਹੈ। ਕੇਂਦਰੀ ਮੰਤਰੀ ਨੇ ਮਹਿਬੂਬਾ ਮੁਫਤੀ ਨੂੰ ਇਹ ਵੀ ਦੱਸਿਆ ਕਿ ਰੇਲਵੇ ਜੰਮੂ ਤੋਂ ਦੇਸ਼ ਦੇ ਦੂਜੇ ਹਿੱਸਿਆਂ 'ਚ ਸੂਬੇ ਤੋਂ ਬਾਗਵਾਨੀ ਉਤਪਾਦਾਂ ਨੂੰ ਲੈ ਕੇ ਜਾਣ ਲਈ ਕੋਲਡ ਸਟੋਰ ਕੰਟੇਨਰ ਚਲਾਵੇਗਾ। ਬੈਠਕ 'ਚ ਇਸ ਗੱਲ 'ਤੇ ਸਹਿਮਤੀ ਹੋਈ ਕਿ ਸਕੱਤਰ, ਬਾਗਵਾਨੀ ਇਸ ਸਬੰਧ 'ਚ ਰੇਲਵੇ ਅਧਿਕਾਰੀਆਂ ਦੇ ਨਾਲ ਮਾਮਲੇ ਨੂੰ ਦੇਖਣਗੇ।