ਵਿਗਿਆਨ ਦੇ ਸੁੱਖ
05/18/2017 4:50:16 PM
ਪੈਦਲ ਕਿਧਰੇ ਜਾਣ ਲਈ,
ਹੋਣਾ ਪੈਂਦਾ ਸੀ ਖੱਜਲ-ਖੁਆਰ।
ਮਨੁੱਖ ਨੂੰ ਥੋੜ੍ਹਾ ਅਰਾਮ ਦੇਣ ਲਈ,
ਵਿਗਿਆਨ ਕੀਤਾ ਸੋਹਣਾ ਸਾਇਕਲ ਤਿਆਰ।
ਸੁੱਖ ਹੋਰ ਵੱਧ ਪਾਉਣ ਦੀ ਖਾਤਰ,
ਆ ਗਈ ਬਣ ਕੇ ਮਹਿੰਗੀ ਕਾਰ।
ਮੀਂਹ-ਕਣੀ ਤੋਂ ਬਚਕੇ ਚਲਦੇ,
ਕਾਰ ਦੀ ਹੁੰਦੀ ਤੇਜ ਰਫਤਾਰ।
ਹਜ਼ਾਰਾਂ ਮੀਲ ਦੂਰ ਜੇ ਜਾਣਾ,
ਰੇਲ ਗੱਡੀ ਦੇ ਸੁੱਖ ਅਪਾਰ।
ਛੋਟੀਆਂ-ਛੋਟੀਆਂ ਲਾਈਨਾਂ ਉਤੇ,
ਚਲਦੀ ਜਾਵੇ ਖਿੱਚ ਵੱਡਾ ਭਾਰ।
ਹਵਾਈ ਜਹਾਜ਼ਾਂ ਕਰੀ ਕਮਾਲ,
ਵਿੱਚ ਘੰਟਿਆਂ ਪਹੁੰਚਾਣ, ਸਮੁੰਦਰੋ ਪਾਰ।
''ਗੋਸਲ'' ਜੇ ਤੂੰ ਚੰਦ ਤੇ ਜਾਣਾ,
ਕਰ ਛੇਤੀ, ਹੋ ਰਾਕਟ ਸਵਾਰ।
-ਬਹਾਦਰ ਸਿੰਘ ਗੋਸਲ,
- ਮਕਾਨ ਨੰ:3098, ਸੈਕਟਰ-37ਡੀ
- ਚੰਡੀਗੜ੍ਹ। ਮੋਬਾਈਲ ਨੰ: 98764-52223