ਇਨ੍ਹਾਂ 5 ਦੇਸ਼ਾਂ ਦੇ ਹਨ ਅਜੀਬੋ-ਗਰੀਬ ਕਾਨੂੰਨ, ਜਿਨ੍ਹਾਂ ਨੂੰ ਜਾਣ ਕੇ ਤੁਹਾਨੂੰ ਵੀ ਹੋਵੇਗੀ ਹੈਰਾਨੀ
08/02/2017 11:55:17 AM
ਮਿਲਾਨ— ਦੁਨੀਆ ਵਿਚ ਹਰ ਦੇਸ਼ ਦੇ ਆਪਣੇ-ਆਪਣੇ ਕਾਨੂੰਨ ਬਣੇ ਹਨ, ਜਿਸ ਨੂੰ ਫਾਲੋ ਕਰਨਾ ਹਰ ਨਾਗਰਿਕ ਦਾ ਕਰਤਵ ਹੁੰਦਾ ਹੈ । ਕਾਨੂੰਨ ਤੋੜਨ ਵਾਲਿਆਂ ਲਈ ਸਜ਼ਾ ਜਾਂ ਜ਼ੁਰਮਾਨੇ ਦਾ ਵੀ ਪ੍ਰਬੰਦ ਕੀਤਾ ਗਿਆ ਹੈ ਪਰ ਕੁਝ ਦੇਸ਼ਾਂ ਵਿਚ ਅਜਿਹੇ ਅਜੀਬੋ-ਗਰੀਬ ਕਾਨੂੰਨ ਹਨ, ਜਿਸ ਦੇ ਬਾਰੇ ਵਿਚ ਜਾਣ ਕੇ ਜਾਂ ਸੁਣ ਕੇ ਤੁਹਾਨੂੰ ਹੈਰਾਨੀ ਹੋਵੇਗੀ। ਅੱਜ ਅਸੀਂ ਤੁਹਾਨੂੰ 5 ਅਜਿਹੇ ਹੀ ਕਾਨੂੰਨਾਂ ਦੇ ਬਾਰੇ ਵਿਚ ਦੱਸਣ ਜਾ ਰਹੇ ਹਾਂ।
ਨਾ ਹੱਸਣ ਉੱਤੇ ਲੱਗ ਸਕਦਾ ਹੈ ਜ਼ੁਰਮਾਨਾ
ਅੱਜ ਤੱਕ ਤੁਸੀਂ ਕਰਾਇਮ ਕਰਨ ਜਾਂ ਫਿਰ ਕੋਈ ਰੂਲ ਤੋੜਨ ਉੱਤੇ ਲੱਗੇ ਜ਼ੁਰਮਾਨੇ ਬਾਰੇ ਵਿਚ ਸੁਣਿਆ ਹੋਵੇਗਾ ਪਰ ਇਟਲੀ ਦੇ ਮਿਲਾਨ ਸ਼ਹਿਰ ਵਿਚ ਜੇਕਰ ਤੁਸੀਂ ਹੱਸਦੇ ਹੋਏ ਨਹੀਂ ਦਿਸੇ ਤਾਂ ਜ਼ੁਰਮਾਨੇ ਦੇ ਰੂਪ ਵਿਚ ਮੋਟੀ ਰਕਮ ਚੁਕਾਉਣੀ ਪੈਂਦੀ ਹੈ । ਹਾਲਾਂਕਿ ਅੰਤਮ ਸੰਸਕਾਰ ਅਤੇ ਹਸਪਤਾਲ ਵਰਗੀਆਂ ਜਗ੍ਹਾਵਾਂ ਉੱਤੇ ਇਹ ਕਾਨੂੰਨ ਲਾਗੂ ਨਹੀਂ ਹੁੰਦਾ ਹੈ।
ਰਾਤ ਦੇ 10 ਵਜੇ ਤੋਂ ਬਾਅਦ ਨਹੀਂ ਕਰ ਸਕਦੇ ਹੋ ਟਾਇਲਟ
ਸਵਿਟਜ਼ਰਲੈਂਡ ਵਿਚ ਰਾਤ ਦੇ 10 ਵਜੇ ਤੋਂ ਬਾਅਦ ਟਾਇਲਟ ਤੁਸੀਂ ਯੂਜ਼ ਨਹੀਂ ਕਰ ਸੱਕਦੇ ਹੋ । ਦਰਅਸਲ ਆਵਾਜ਼ ਪ੍ਰਦੂਸ਼ਣ ਘੱਟ ਕਰਨ ਲਈ ਅਜਿਹਾ ਕਾਨੂੰਨ ਬਣਾਇਆ ਗਿਆ ਹੈ ।
ਕੁੱਤੇ ਨੂੰ ਚਿੜ੍ਹਾਉਣਾ ਹੈ ਗੈਰ-ਕਾਨੂੰਨੀ
ਯੂ. ਐਸ ਦੇ ਓਕਲਾਹੋਮਾ ਵਿਚ ਤੁਸੀਂ ਕੁੱਤੇ ਨੂੰ ਨਹੀਂ ਚਿੜ੍ਹਾ ਸਕਦੇ ਹੋ । ਜੇਕਰ ਤੁਸੀਂ ਕੁੱਤੇ ਨੂੰ ਦੇਖ ਕੇ ਮੂੰਹ ਬਣਾਉਂਦੇ ਜਾਂ ਫਿਰ ਚਿੜ੍ਹਾਉਂਦੇ ਹੋਏ ਫੜੇ ਗਏ ਤਾਂ ਤੁਹਾਨੂੰ ਬੰਦੀ ਬਣਾਇਆ ਜਾ ਸਕਦਾ ਹੈ ।
ਢਿੱਡ ਭਰਨ ਉੱਤੇ ਵੀ ਦੇਣ ਪੈਂਦੇ ਹਨ ਪੈਸੇ
ਇਸ ਕਾਨੂੰਨ ਦੇ ਬਾਰੇ ਵਿਚ ਤੁਹਾਨੂੰ ਜਾਣ ਕੇ ਬਹੁਤ ਖੁਸ਼ੀ ਹੋਵੇਗੀ । ਡੈਨਮਾਰਕ ਦੇ ਰੈਸਟੋਰੈਂਟ ਵਿਚ ਜੇਕਰ ਤੁਸੀਂ ਖਾਣਾ ਖਾਣ ਜਾਂਦੇ ਹੋ ਅਤੇ ਖਾਣ ਤੋਂ ਬਾਅਦ ਤੁਸੀਂ ਆਪਣੇ ਆਪ ਨੂੰ ਸੰਤੁਸ਼ਟ ਨਹੀਂ ਮੰਣਦੇ ਹੋ ਤਾਂ ਪੈਸੇ ਦੇਣ ਦੀ ਜ਼ਰੂਰਤ ਨਹੀਂ ਹੈ । ਨਿਯਮ ਮੁਤਾਬਕ ਜਦੋਂ ਤੱਕ ਤੁਸੀਂ ਖਾਣੇ ਤੋਂ ਸੰਤੁਸ਼ਟ ਨਹੀਂ ਹੁੰਦੇ ਉਦੋਂ ਤੱਕ ਤੁਹਾਡੇ ਕੋਲੋ ਪੈਸੇ ਨਹੀਂ ਲਏ ਜਾਣਗੇ।
ਕਿਸੇ ਨੂੰ ਤੰਗ ਕਰਨਾ ਹੈ ਗੁਨਾਹ
ਫਿਲੀਪੀਨਜ਼ ਵਿਚ ਕਿਸੇ ਨੂੰ ਤੰਗ ਕਰਨਾ ਜਾਂ ਕਸ਼ਟ ਦੇਣਾ ਕਾਨੂੰਨੀ ਅਪਰਾਧ ਹੈ । ਜੇਕਰ ਅਜਿਹਾ ਕਰਦੇ ਹੋਏ ਕੋਈ ਫੜਿਆ ਗਿਆ ਜਾਂ ਫਿਰ ਕਿਸੇ ਨੇ ਸ਼ਿਕਾਇਤ ਕੀਤੀ ਤਾਂ ਆਰਟੀਕਲ 287 ਪੀਨਲ ਕੋਡ ਦੇ ਤਹਿਤ ਉਸ ਨੂੰ ਸਜ਼ਾ ਹੋ ਸਕਦੀ ਹੈ ।
