ਤਾਇਵਾਨ ਦੀ ਅਜਿਹੀ ਚਰਚ ਜਿਸ ਨੂੰ ਦੇਖ ਸੈਲਾਨੀ ਰਹਿ ਜਾਂਦੇ ਨੇ ਦੰਗ
12/11/2017 6:08:57 PM
ਤਾਇਵਾਨ— ਪੂਰੀ ਦੁਨੀਆ 'ਚ ਕਈ ਤਰ੍ਹਾਂ ਦੇ ਅਜੂਬੇ ਮੌਜੂਦ ਹਨ, ਜਿਨ੍ਹਾਂ ਨੂੰ ਦੇਖ ਅਕਸਰ ਲੋਕ ਹੈਰਾਨ ਰਹਿ ਜਾਂਦੇ ਹਨ। ਪਰ ਕੀ ਤੁਸੀਂ ਕਦੇ ਜੁੱਤੀ ਦੇ ਆਕਾਰ ਦੀ ਚਰਚ ਦੇਖੀ ਹੈ। ਜੀ ਹਾਂ ਅਜਿਹੀ ਚਰਚ ਬਣੀ ਹੈ ਤਾਇਵਾਨ 'ਚ। ਇਹ ਚਰਚ ਕੱਚ ਦੀ ਬਣੀ ਹੋਈ ਹੈ, ਜੋ ਕਿ ਬਿਲਕੁਲ ਜੁੱਤੀ ਵਰਗੀ ਦਿੱਸਦੀ ਹੈ। ਇਹ ਚਰਚ ਖਾਸ ਕਰਕੇ ਔਰਤਾਂ ਲਈ ਖਿੱਚ ਦਾ ਕੇਂਦਰ ਬਈ ਹੋਈ ਹੈ। ਔਰਤਾਂ ਇਸ ਚਰਚ ਨੂੰ ਬਹੁਤ ਪਸੰਦ ਕਰ ਰਹੀਆਂ ਹਨ।
ਜੁੱਤੀ ਦੇ ਆਕਾਰ ਦੀ ਇਸ ਚਰਚ ਨੂੰ ਦੇਖ ਸੈਲਾਨੀ ਖੁਦ ਹੀ ਇਸ ਦੇ ਵੱਲ ਖਿੱਚੇ ਚਲੇ ਆਉਂਦੇ ਹਨ। ਇਹ ਚਰਚ ਪੰਜ ਫੁੱਟ ਲੰਬਾ ਤੇ 36 ਫੁੱਟ ਚੌੜਾ ਹੈ। ਇਸ ਚਰਚ ਨੂੰ ਬਣਾਉਣ ਲਈ 320 ਗਲਾਸ ਦੇ ਟੁਕੜਿਆਂ ਦੀ ਵਰਤੋਂ ਕੀਤੀ ਗਈ ਹੈ।
ਇਸ ਚਰਚ ਨੂੰ ਬਾਹਰੋਂ ਹੀ ਨਹੀਂ ਬਲਕਿ ਅੰਦਰੋਂ ਵੀ ਬਹੁਤ ਸੁੰਦਰ ਬਣਾਇਆ ਗਿਆ ਹੈ। ਇਹ ਚਰਚ ਮੈਟਲ ਤੇ ਨੀਲੇ ਕੱਚ ਨਾਲ ਤਿਆਰ ਕੀਤੀ ਗਈ ਹੈ, ਜੋ ਕਿ ਉੱਚੀ ਅੱਡੀ ਦੀ ਜੁੱਤੀ ਦੇ ਆਕਾਰ ਦਾ ਹੈ। ਇਸ ਚਰਚ 'ਚ ਸੈਲਾਨੀਆਂ ਦੀ ਪ੍ਰਾਰਥਨਾ ਲਈ ਖਾਸ ਵਿਵਸਥਾ ਕੀਤੀ ਗਈ ਹੈ। ਇਸ ਚਰਚ ਨੂੰ ਦੇਖਣ ਲਈ ਵੱਡੀ ਗਿਣਤੀ 'ਚ ਲੋਕ ਆ ਰਹੇ ਹਨ।
