ਕੈਨੇਡਾ ''ਚ ਲੱਗੀਆਂ ਆਜ਼ਾਦੀ ਦਿਹਾੜੇ ਦੀਆਂ ਰੌਣਕਾਂ,ਐੱਮ.ਪੀ.ਕਮਲ ਖਹਿਰਾ ਨੇ ਬੀਬੀਆਂ ਨਾਲ ਪਾਇਆ ਗਿੱਧਾ
08/16/2017 3:41:47 PM
ਬਰੈਂਪਟਨ— ਭਾਰਤ ਦੇ ਨਾਲ-ਨਾਲ ਹੋਰ ਦੇਸ਼ਾਂ 'ਚ ਵੀ ਭਾਰਤ ਦਾ ਆਜ਼ਾਦੀ ਦਿਹਾੜਾ ਮਨਾਇਆ ਗਿਆ। ਕੈਨੇਡਾ 'ਚ ਵੀ ਇਸ ਦਿਨ ਦੀਆਂ ਵਿਸ਼ੇਸ਼ ਰੌਣਕਾਂ ਦੇਖਣ ਨੂੰ ਮਿਲੀਆਂ। ਕੈਨੇਡਾ ਦੇ ਪੱਛਮੀ ਬਰੈਂਪਟਨ ਤੋਂ ਪਾਰਲੀਮੈਂਟਰੀ ਸੈਕਰੇਟਰੀ ਕਮਲਪ੍ਰੀਤ ਖਹਿਰਾ ਨੇ ਵੀ ਇਸ 'ਚ ਸ਼ਿਰਕਤ ਕੀਤੀ। ਵੱਡੀ ਗਿਣਤੀ 'ਚ ਲੋਕ ਇਕੱਠੇ ਹੋਏ ਤੇ ਇਕ-ਦੂਜੇ ਨੂੰ ਆਜ਼ਾਦੀ ਦਿਹਾੜੇ ਦੀਆਂ ਵਧਾਈਆਂ ਦਿੱਤੀਆਂ। ਇਸ ਮੌਕੇ ਭਾਰਤੀ-ਕੈਨੇਡੀਅਨ ਭਾਈਚਾਰੇ ਨੇ ਸੱਭਿਆਚਾਰਕ ਢੰਗ ਨਾਲ ਜਸ਼ਨ ਮਨਾਇਆ। ਕੁੜੀਆਂ ਦੇ ਨਾਲ-ਨਾਲ ਬਜ਼ੁਰਗ ਬੀਬੀਆਂ ਨੇ ਵੀ ਗਿੱਧਾ ਪਾਇਆ ਤੇ ਕਮਲ ਨੂੰ ਵੀ ਨਚਾ ਲਿਆ।
ਕਮਲ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਪ੍ਰੋਗਰਾਮ 'ਚ ਆ ਕੇ ਬਹੁਤ ਵਧੀਆ ਲੱਗਾ।
ਬਜ਼ੁਰਗ ਔਰਤਾਂ ਜੋ ਪੰਜਾਬ 'ਚੋਂ ਜਾ ਕੇ ਕੈਨੇਡਾ 'ਚ ਰਹਿ ਰਹੀਆਂ ਨੇ ਕਿਹਾ ਕਿ ਉਨ੍ਹਾਂ ਨੇ ਇੱਥੇ ਪੰਜਾਬ ਦੇ ਪਿੰਡਾਂ ਵਰਗਾ ਮਾਹੌਲ ਬਣਾ ਦਿੱਤਾ ਅਤੇ ਇਹ ਸਭ ਬਹੁਤ ਵਧੀਆ ਲੱਗਾ।
ਤੁਹਾਨੂੰ ਦੱਸ ਦਈਏ ਕਿ ਕਮਲ ਦਾ ਜਨਮ ਦਿੱਲੀ 'ਚ ਹੋਇਆ ਸੀ ਤੇ ਇਸ ਮਗਰੋਂ ਉਨ੍ਹਾਂ ਦਾ ਪਰਿਵਾਰ ਕੈਨੇਡਾ ਜਾ ਕੇ ਵੱਸ ਗਿਆ ਸੀ। 2015 'ਚ ਕਮਲ ਨੂੰ ਕੈਨੇਡਾ ਦੇ 'ਹਾਊਸ ਆਫ ਕਾਮਨਜ਼' ਲਈ ਚੁਣਿਆ ਗਿਆ ਸੀ।
