ਇਟਲੀ: ਭੂਚਾਲ ''ਚ ਮਾਰੇ ਗਏ ਲੋਕਾਂ ਦਾ ਸਮੂਹਕ ਅੰਤਮ ਸੰਸਕਾਰ, ਦਰਦਨਾਕ ਹੌਂਕਿਆਂ ਨਾਲ ਭਰ ਗਿਆ ਆਲਮ (ਦੇਖੋ ਤਸਵੀਰਾਂ)

ਰੋਮ — ਬੁੱਧਵਾਰ ਨੂੰ ਇਟਲੀ ''ਚ ਆਏ 6.2 ਤੀਬਰਤਾ ਦੇ ਭੂਚਾਲ ਵਿਚ ਮਰਨ ਵਾਲਿਆਂ ਦਾ ਅੰਕੜਾ 300 ਤੋਂ ਪਾਰ ਹੋ ਗਿਆ ਹੈ। ਇਸ ਦਰਮਿਆਨ ਇਟਲੀ ਦੇ ਆਸਕੋਲੀ ਪਿਚੇਨੋ ਸ਼ਹਿਰ ਵਿਚ 35 ਲੋਕਾਂ ਦਾ ਸਮੂਹਕ ਅੰਤਮ ਸੰਸਕਾਰ ਕੀਤਾ ਗਿਆ ਤਾਂ ਸਾਰਾ ਆਲਮ ਦਰਦਨਾਕ ਹੌਂਕਿਆਂ ਨਾਲ ਭਰ ਗਿਆ। ਹਰ ਰੋਂਦੀ ਹੋਈ ਅੱਖ ਰੱਬ ਤੋਂ ਇਸ ਦਰਦਨਾਕ ਹਾਦਸੇ ਦੀ ਸ਼ਿਕਾਇਤ ਕਰ ਰਹੀ ਸੀ ਪਰ ਇਸ ਕੁਦਰਤੀ ਆਫਤ ਅੱਗੇ ਕਿਸੇ ਦਾ ਜ਼ੋਰ ਨਾ ਚੱਲਿਆ। ਰੋਂਦੇ ਹੋਏ ਪਰਿਵਾਰਕ ਮੈਂਬਰਾਂ ਨੇ ਮ੍ਰਿਤਕਾਂ ਨੂੰ ਸ਼ਰਧਾਂਜਲੀ ਦਿੱਤੀ। ਉਸ ਸਮੇਂ ਸਾਰਿਆਂ ਦਾ ਕਾਲਜਾ ਮੂੰਹ ਨੂੰ ਆ ਗਿਆ ਜਦੋਂ ਲਾਸ਼ਾਂ ਦੇ ਇਨ੍ਹਾਂ ਬਕਸਿਆਂ ਵਿਚ 18 ਮਹੀਨੇ ਦੇ ਇਕ ਬੱਚੇ ਦੀ ਲਾਸ਼ ਵੀ ਸੀ।