ਨਿਊਜ਼ ਫੀਡ 'ਚ ਬਦਲਾਅ ਕਰਨ ਨਾਲ ਫੇਸਬੁਕ ਨੂੰ 2 ਬਿਲੀਅਨ ਤੋਂ ਜ਼ਿਆਦਾ ਦਾ ਨੁਕਸਾਨ
01/17/2018 12:40:12 PM
ਜਲੰਧਰ- ਫੇਸਬੁੱਕ ਨੇ ਹਾਲ ਹੀ 'ਚ ਨਿਊਜ ਫੀਡ 'ਚ ਬਦਲਾਅ ਦਾ ਐਲਾਨ ਕੀਤਾ ਸੀ, ਹੁਣ ਇਸ ਬਦਲਾਅ ਦਾ ਅਸਰ ਕੰਪਨੀ ਨੂੰ ਘਾਟੇ ਦੇ ਰੂਪ 'ਚ ਭੁਗਤਣਾ ਪਿਆ ਹੈ। ਫੋਰਬਸ ਦੁਆਰਾ ਜਾਰੀ ਆਂਕੜਿਆਂ ਦੇ ਮੁਤਾਬਕ, ਕੰਪਨੀ ਨੂੰ ਕੁੱਲ ਨਿੱਜੀ ਜਾਇਦਾਦ 'ਚ ਕਰੀਬ 3.3 ਅਰਬ ਡਾਲਰ ਦਾ ਘਾਟਾ ਹੋਇਆ ਹੈ।
ਰਿਪੋਰਟ ਮੁਤਾਬਕ, ਮਾਰਕ ਜਕਰਬਰਗ ਰਾਹੀਂ ਨਿਊਜ਼ ਫੀਡ 'ਚ ਬਦਲਾਅ ਦੇ ਐਲਾਨ ਤੋਂ ਬਾਅਦ 4.4 ਫੀਸਦੀ ਘਾਟਾ ਹੋਇਆ ਹੈ। ਫੇਸਬੁੱਕ ਨੇ ਇਹ ਐਲਾਨ ਕੀਤਾ ਸੀ ਕਿ ਕੰਪਨੀ ਨਿਊਜ਼ ਫੀਡ ਐਲਗੋਰਿਦਮ 'ਚ ਕੁਝ ਬਦਲਾਅ ਕਰੇਗੀ। ਇਸ ਨਾਲ ਕਾਰੋਬਾਰੀਆਂ ਅਤੇ ਮੀਡੀਆ ਕੰਪਨੀਆਂ ਦੇ ਪੋਸਟ ਤੋਂ ਜ਼ਿਆਦਾ ਹੁਣ ਦੋਸਤਾਂ ਅਤੇ ਪਰਿਵਾਰ ਵਾਲਿਆਂ ਦੇ ਫੀਡ ਜ਼ਿਆਦਾ ਵਿਖਾਈ ਦੇਣਗੇ।
ਫੇਸਬੁਕ ਦੇ ਇਸ ਪੋਸਟ ਤੋਂ ਬਾਅਦ ਸ਼ੁੱਕਰਵਾਰ ਸ਼ਾਮ ਤੱਕ ਫੇਸਬੁੱਕ ਦੇ ਸ਼ੇਅਰ ਵੀਰਵਾਰ ਦੇ $187.77 ਤੋਂ 4.4 ਫੀਸਦੀ ਘੱਟ ਕੇ $179.37 ਹੋ ਗਏ।
ਜ਼ੁਕਰਬਰਗ ਨੇ ਹਾਲ ਹੀ 'ਚ ਕਿਹਾ ਸੀ ਕਿ, ਉਨ੍ਹਾ ਨੂੰ ਫੇਸਬੁੱਕ ਯੂਜ਼ਰਸ ਵਲੋਂ ਫੀਡਬੈਕ ਮਿਲੇ ਹਨ ਕਿ ਉਨ੍ਹਾਂ ਨੂੰ ਪਬਲਿਕ ਕੰਟੈਂਟ, ਬਿਜ਼ਨੈੱਸ ਨਾਲ ਜੁੜੀਆਂ ਪੋਸਟਾਂ, ਬਰਾਂਡ ਅਤੇ ਮੀਡੀਆ ਉਨ੍ਹਾਂ ਦੇ ਪਰਸਨਲ ਮੂਮੇਂਟਸ 'ਚ ਅੜਚਨ ਪਾ ਰਹੇ ਹਨ। ਪਿਛਲੇ ਕੁਝ ਸਾਲਾਂ 'ਚ ਫੇਸਬੁਕ 'ਤੇ ਵੀਡੀਓ ਅਤੇ ਪਬਲਿਕ ਕੰਟੇਂਟ ਦਾ ਹੜ੍ਹ ਆ ਗਿਅ ਹੈ। ਹਾਲਾਂਕਿ ਹੁਣ ਫੇਸਬੁੱਕ 'ਤੇ ਫਰੈਂਡਸ ਅਤੇ ਫੈਮਿਲੀ ਪੋਸਟ ਤੋਂ ਜ਼ਿਆਦਾ ਪਬਲਿਕ ਪੋਸਟ ਹੋ ਗਈਆਂ ਹਨ। ਨਿਊਜ਼ ਫੀਡ ਦਾ ਬੈਲੇਂਸ ਫੇਸਬੁੱਕ ਦੁਆਰਾ ਕੀਤੇ ਗਏ ਮਹੱਤਵਪੁਰਣ ਕੰਮਾਂ ਤੋਂ ਸ਼ਿਫਟ ਹੋ ਗਿਆ ਹੈ ਜਿਸ ਦੇ ਜ਼ਰੀਏ ਲੋਕ ਇਕ ਦੂੱਜੇ ਨਾਲ ਜੁੜਦੇ ਹਨ।
